“Neftçi” Premyer Liqada növbəti nailiyyətini qazanıb
Bakı, 24 avqust, AZƏRTAC
“Neftçi” klubu Azərbaycan çempionatlarında 250-ci ev qələbəsini qazanıb.
AZƏRTAC Peşəkar Futbol Liqasının (PFL) saytına istinadla xəbər verir ki, bu, Premyer Liqada 2020-2021-ci il mövsümünün birinci turuna təsadüf edib. Öz meydanında “Səbail”ə 2:1 hesabı ilə qalib gələn paytaxt təmsilçisi yubiley qələbəsinə sevinib.
1992-ci ildən keçirilən çempionatlardakı 250-ci uğur 394-cü matçda qeydə alınıb. Paytaxt təmsilçisi yarışın tarixində ən çox ev qələbəsi qazanan ikinci komandadır. Yalnız “Qarabağ” daha çox - 265 dəfə doğma meydandan qalib ayrılıb.
Qeyd edək ki, “Neftçi”nin Azərbaycan çempionatlarındakı ilk ev qələbəsi 1992-ci il mövsümünə təsadüf edib. “Ağ-qaralar” mayın 8-də Sumqayıtın “Xəzər” klubuna 1:0 hesabı ilə qalib gəliblər.
Bölmənin digər xəbərləri
