“Neftçi”nin idman direktoru: “Arsenal” çox çevik komandadır
Bakı, 1 avqust, AZƏRTAC
“Neftçi”nin idman direktoru Ceyhun Sultanov Avropa Liqasının ikinci təsnifat mərhələsində Tulanın “Arsenal” klubu ilə cavab matçından hansı nəticələr gözlədiyini açıqlayıb. Xatırladaq ki, birinci oyunda Rusiya komandası 0:1 hesabı ilə məğlubiyyətə uğrayıb.
AZƏRTAC xəbər verir ki, Ceyhun Sultanov deyib: “Şübhəsiz ki, biz Tulada uğurlu nəticə əldə etdik, lakin bu, bizdə arxayınlıq hissi yaratmamalıdır. Bakıda bizi çox gərgin matç gözləyir. “Arsenal” çox çevik komandadır, onun əla hücum taktikası var. Bizi azarkeşlərimiz dəstəkləyəcək və biz də növbəti təsnifat mərhələsinə keçməyə çalışacağıq”.
“Neftçi” ilə “Arsenal” arasında cavab görüşü bu gün saat 21:00-da “Bakcell Arena” stadionunda keçiriləcək. Bu qarşılaşmanın qalibi Avropa Liqasının növbəti mərhələsində İsrailin “Bney İyequda” klubu ilə görüşəcək.
Bölmənin digər xəbərləri
