“Neftçi”nin U-14 komandası beynəlxalq turnirdə uğurlu çıxışını davam etdirir
Bakı, 16 oktyabr, AZƏRTAC
Bakının “Neftçi” futbol klubunun U-14 komandası Rusiyanın Krasnodar şəhərində keçirilən “Dəri top” beynəlxalq turnirində növbəti qələbəsini qazanıb.
AZƏRTAC xəbər verir ki, “Neftçi” oktyabrın 16-da Krasnodarın “Nadejda” klubunu 3:2 hesabı ilə məğlub edib. Komandamızın qollarından ikisini Abdulla Rzayev, birini isə Musa Qurbanlı vurub.
Bundan əvvəlki oyunlarda Tacikistanın “Umed” (3:0), Rusiyanın “Puls” (2:1) və Moldovanın “Spiru Xaret” (4:1) klubunu məğlub edən “Neftçi” qrupdakı son matçında “Qudauta” (Abxaziya) ilə qarşılaşacaq.
Bölmənin digər xəbərləri
