“NEFTÇİ”NİN YETİRMƏLƏRİ QALİB GƏLMİŞDİR
AZƏRTAC xəbər verir ki, Milli Aviasiya Akademiyasının idman bazasında keçirilən Azərbaycan Ağırlıqqaldırma Federasiyasının Kuboku uğrunda yarışlarda Dövlət Neft Şirkətinin “Neftçi” İdman Sağlamlıq Mərkəzi 9 nəfərlik heyətlə çıxış etmişdir. Komanda tam heyətdə qaliblər cərgəsinə düşmüşdür. 3 yaş qrupunda keçirilən yarışlarda mərkəzin 5 üzvü birinci, 2-si ikinci, 2-si isə üçüncü yerə çıxmışdır.
Xatırladaq ki, bu yarışlar cari ilin sentyabrın 29-dan oktyabrın 11-dək Dominikan Respublikasında keçiriləcək Dünya çempionatı üçün seçmə xarakteri daşıyırdı. Dünya çempionatının qalibləri “Pekin – 2008” Yay Olimpiya Oyunlarına lisenziya əldə edəcəklər.
Bölmənin digər xəbərləri
