Neftin qiyməti həftəni artımla tamamlayır
Bakı, 20 noyabr, AZƏRTAC
Birjalarda neft qiymətləri ardıcıl 3-cü həftəni də artımla tamamlamağa yönəlib.
AZƏRTAC xəbər verir ki, “qara qızıl”ın qiyməti COVID-19-a qarşı peyvəndlə bağlı nikbin gözləntilərin virusa yoluxma hallarındakı artıma dair narahatlıqları üstələməsi fonunda həftəni artımla tamamlayır. Fyuçers müqavilələri isə bir barrelə görə təxminən 42 dollar səviyyəsindədir və avqust ayından bəri ən uzun həftəlik artım tempini nümayiş etdirir.
Hazırda “Brent” neftinin bir barreli Londonun ICE birjasında 44,72 dollara, “Light” neftinin bir barreli isə Nyu-Yorkun NYMEX birjasında 42,12 dollara satılır.
Bölmənin digər xəbərləri
