Niderlandın qaz ehtiyatları kritik dərəcədə aşağı səviyyədədir
Bakı, 24 fevral, AZƏRTAC
Niderlanddakı qaz anbarları cəmi 11 faiz doludur. Bu ölkədə qaz təchizatı heç vaxt bu qədər aşağı səviyyədə olmayıb.
AZƏRTAC xəbər verir ki, qaz ehtiyatları hazırda ən aşağı səviyyədədir. Bu faktı “Gasunie” şirkətinin nümayəndəsi “NU.nl” nəşrinə müsahibəsində təsdiqləyib.
AGSI-nin məlumatına görə, digər Avropa ölkələrində qaz anbarlarının doluluq səviyyəsi təxminən 30 faiz təşkil edir. “Gasunie”nin məlumatına görə, hazırda qaz bazarı sakitdir. “Qaz təchizatı sabitdir və qiymətlər hətta bir qədər aşağı düşür”, -deyə şirkət nümayəndəsi bildirib.
Qaz Niderlanda müxtəlif marşrutlar vasitəsilə tədarük olunur. Əvvəllər olduğu kimi, bu ölkə öz qazını hasil etməyə davam edir. Təbii qaz, həmçinin Belçika və Fransa vasitəsilə nəql olunur. Bununla yanaşı, ABŞ və Yaxın Şərqdən dəniz yolu ilə daşınan mayeləşdirilmiş təbii qazın (LNG) sabit təchizatı da mövcuddur.
Bölmənin digər xəbərləri
