Nigeriyada silahlı hücum nəticəsində 9 nəfər ölüb
Bakı, 22 may, AZƏRTAC
Nigeriyanın Kaduna əyalətində silahlı hücum nəticəsində 9 nəfər ölüb.
AZƏRTAC “TRT Haber”ə istinadla xəbər verir ki, hələlik şəxsiyyəti məlum olmayan silahlı şəxslər Kaduna əyalətinin Birnin Qvari rayonunda hücum həyata keçirib. Hücumda 9 nəfər həyatını itirib, çoxlu sayda yaralı var.
Nigeriyanın Kaduna əyaləti son zamanlar silahlı dəstələrin hücumları ilə üzləşib.
Bu ilin yanvar-mart aylarında əyalətdə törədilən hücumlarda 214 nəfər həlak olub, 746 nəfər qaçırılıb.
Bölmənin digər xəbərləri
