NOBEL MÜKAFATININ İLK LAUREATLARI MƏLUMDUR
AZƏRTAC Nobel Mükafatı Komitəsinin məlumatına istinadla xəbər verir ki, həmin sahədə laureatlar ABŞ alimləri – Nyu-Yorkdakı Kolumbiya Universiteti nəzdində Hovard Hyuz Tibb İnstitutundan Riçard Eksel və Sietldəki Fred Hatçinson Onkoloji Tədqiqatlar Mərkəzindən Linda B.Bak olmuşlar.
Nobel mükafatı bu alimlərə iybilmə reseptorları və ümumən, iybilmə sistemi sahəsində tədqiqatlara görə verilmişdir.
Xatırladaq ki, keçən il tibb sahəsində Nobel mükafatı laureatları amerikalı Pol S.Loterbür və britaniyalı Peter Mansfild olmuşdular. Onlar mükafatı maqnit-rezonans tomoqrafiyası sahəsində kəşflərə görə almışdılar.
Hələ bu yaxınlaradək britaniyalı epidemioloqlar Riçard Doll və Riçard Peto siqaretçəkmə ilə onkoloji xəstəliklər arasında qarşılıqlı əlaqələrin tədqiqinə görə fiziologiya və tibb sahəsində Nobel mükafatına ən real namizədlər sayılırdılar.
İsveç Kral Elmlər Akademiyası oktyabrın 5-də fizika üzrə, 6-da kimya üzrə Nobel mükafatı laureatlarının adlarını açıqlayacaqdır. Nobel sülh mükafatının laureatı oktyabrın 8-də elan ediləcəkdir. Ədəbiyyat sahəsində mükafatın sahibi, çox güman ki, oktyabrın 7-də məlum olacaqdır.
Bölmənin digər xəbərləri
