NURSULTAN NAZARBAYEVİN ALMANİYA VƏ RUSİYAYA SƏFƏRLƏRİ BAŞA ÇATMIŞDIR
Qazaxıstan Prezidenti Nursultan Nazarbayev Almaniya Federativ Respublikasında və Rusiyada səfərlərdə olmuşdur. Qazaxıstan Prezidentinin mətbuat xidmətinin yaydığı məlumatda deyilir ki, Nursultan Nazarbayevin AFR-in federal kansleri Gerhard Şröderlə görüşündə iqtisadi əməkdaşlığın daha da möhkəmləndirilməsi, sahibkarlar və iş adamları arasında sıx əlaqələr qurulması və digər məsələlər müzakirə olunmuşdur.
N.Nazarbayev və G.Şröder Hannoverdə Qazaxıstan iqtisadiyyatı günlərinin açılışında iştirak etmişlər.
X X X
N.Nazarbayev AFR-dən birbaşa Rusiyaya gəlmişdir. Onun Rusiya Prezidenti Vladimir Putinlə görüşündə Rusiya–Qazaxıstan sərhədlərinin delimitasiyasının faktiki olaraq başa çatdırılması, yanacaq-energetika sahəsində əməkdaşlıq, habelə beynəlxalq məsələlər müzakirə edilmişdir.
N.Nazarbayev Rusiya hökumətinin sədri M.Fradkov və Moskvanın meri Y.Lujkovla da görüşmüşdür.
Bölmənin digər xəbərləri
