Oleq Belokonev: MDB ölkələri praktiki hərbi əməkdaşlıq mexanizmlərini təkmilləşdirməlidirlər
Minsk, 28 mart, AZƏRTAC
AZƏRTAC BELTA-ya istinadla xəbər verir ki, MDB ölkələri praktiki hərbi əməkdaşlıq mexanizmlərini təkmilləşdirməlidirlər. Bu fikri Belarus Respublikasının müdafiə nazirinin birinci müavini - Silahlı Qüvvələrin Baş Qərargah rəisi Oleq Belokonev martın 28-də MDB-nin iştirakçısı olan ölkələrin silahlı qüvvələrinin Qərargah Rəisləri Komitəsinin iclasında səsləndirib. O deyib: “Geosiyasi vəziyyətin kəskin dəyişdiyi indiki şəraitində məhz praktiki əməkdaşlıq məsələləri ön plana çıxıb. Biz əməkdaşlıq və yaranan təhlükələrə müqavimət göstərmək mexanizmlərini birlikdə işləyib hazırlamalı, onları təkmilləşdirmək üçün real yollar axtarmalıyıq”.
MDB-nin iştirakçısı olan ölkələrin silahlı qüvvələrinin Qərargah Rəisləri Komitəsinin iclasında Azərbaycan, Belarus, Qazaxıstan, Qırğızıstan, Rusiya, Tacikistan və Ermənistanın nümayəndə heyətləri iştirak edirlər.
Zeynal Ağazadə
AZƏRTAC-ın xüsusi müxbiri
Minsk
Bölmənin digər xəbərləri
