ÖLKƏNİN İLLİK BUĞDA TƏLƏBATI DAXİLİ MƏHSUL HESABINA ÖDƏNİLƏCƏKDİR
Bakı, 28 iyun (AZƏRTAC). Kənd Təsərrüfatı Nazirliyindən bildirmişlər ki, Prezident İlham Əliyevin ərzaq təhlükəsizliyi ilə bağlı hökumətin qarşısında qoyduğu vəzifə ərzaq buğdası sahəsində yerinə yetirilir.
Bu il dənli və dənli-paxlalıların əkin sahəsinə və istehsalına görə rekord göstərici proqnozlaşdırılır. Hazırda 810 min hektar sahədə ərzaq buğdası becərilmişdir və 2 milyon 616 min ton məhsul istehsalı gözlənilir. Bu, ölkənin illik buğda tələbatından bir qədər çoxdur.
Həm statistik göstəricilər, həm də müşahidələr deməyə əsas verir ki, 2009-cu ildə əhalinin ərzaq buğdasına olan tələbatı yerli istehsal hesabına təmin ediləcəkdir.
Bölmənin digər xəbərləri
