“Ölü adam” filmi “Artım”da nümayiş ediləcək
Bakı, 13 iyul, AZƏRTAC
İyulun 14-də “Artım” layihə məkanında rejissor və ssenarist Cim Carmuşun “Ölü adam” (1995) filmi təqdim ediləcək.
AZƏRTAC xəbər verir ki, xronometrajı 120 dəqiqə olan ekran əsəri “Artım” layihə məkanında davam edən “Yüyürmə! Gördüyün yalnız sərabdır” qrup sərgisi çərçivəsində nümayiş olunacaq.
Filmin qəhrəmanı mühasib Vilyam Bleyk cinayət törətdikdən sonra yaralı vəziyyətdə meşədə gizlənir. Burada o, "Heç kim" adlı qəribə hindu ilə qarşılaşır. Bu hindu, Vilyam Bleyki mənəvi dünyaya səyahətə hazırlayır.
Filmi 16 yaşdan yuxarı hər kəs izləyə bilər. Giriş sərbəstdir.
Bölmənin digər xəbərləri
