CƏMİYYƏT
Ombudsmanın Qərb Regional Mərkəzi tərəfindən hüquqi-maarifləndirici tədbirlər keçirilib
Bakı, 25 yanvar, AZƏRTAC
Ombudsmanın Qərb Regional Mərkəzi tərəfindən “Vətəndaşların seçki hüququnun təmini” mövzusunda hüquqi-maarifləndirici tədbirlər təşkil olunub.
Qurumun mətbuat xidmətindən AZƏRTAC-a bildiriblər ki, Göygöl və Samux rayonlarında “Vətəndaşların seçki hüququnun təmini” mövzusunda hüquqi-maarifləndirici tədbirlər keçirilib.
Prezident seçkilərində ilk dəfə iştirak edəcək gəncləri seçki hüququ mövzusunda maarifləndirmək məqsədilə təşkil olunan tədbirlərdə seçkilərin azad, demokratik və şəffaf keçirilməsi üçün hər bir seçicinin, o cümlədən seçkilərdə birinci dəfə səs verəcək gənclərin yüksək məsuliyyət nümayiş etdirməsinin zəruriliyi vurğulanıb, seçki prosesi ilə bağlı Seçki Məcəlləsinin tələbləri və səsvermə qaydaları ətraflı şəkildə diqqətə çatdırılıb.
Tədbirlərin gedişatında ilk dəfə səs verəcək gənclərin seçki prosesi ilə bağlı sualları cavablandırılıb.