MƏDƏNİYYƏT
Opera studiyasında Fuad Axundovla yaradıcılıq görüşləri təşkil ediləcək
Bakı, 16 fevral, AZƏRTAC
Martın 8-də Üzeyir Hacıbəyli adına Bakı Musiqi Akademiyası nəzdindəki Opera Studiyasında tarixçi, televiziya aparıcısı və bələdçi Fuad Axundovun yaradıcılıq görüşləri təşkil ediləcək.
AZƏRTAC xəbər verir ki, “Məktəblilər üçün Bakının tarixi: Azərbaycanın yeddi ilk qaranquşu” mövzusuna həsr edilən birinci görüş saat12:00-da başlanacaq. Gənc iştirakçılar müxtəlif sahələrdə böyük müvəffəqiyyətlər qazanmış ilk azərbaycanlı qadın pianoçu, rəssam, opera ifaçısı, balerina, heykəltaraş, aktrisa və kino rejissorunun həyat tarixi haqqında məlumat alacaqlar.
Saat 20.00-da başlanacaq “Köhnə Bakının birinci xanımları” adlı ikinci tədbir inqilabdan əvvəlki Bakı elitasının nümayəndələrinin həyat yoldaşlarının dramatik talelərinə həsr ediləcək.
Bölmənin digər xəbərləri
