“Oskar” mərasimini son dörd ildə rekord sayda insan izləyib
Bakı, 12 mart, AZƏRTAC
Bazar günü axşam saatlarında keçirilən “Oskar”ın 96-cı mükafatlandırma mərasiminin yayımını son dörd ildə rekord sayda - 19,5 milyon insan izləyib.
AZƏRTAC xəbər verir ki, bu barədə bazar ertəsi “Variety” jurnalı məlumat yayıb.
Qeyd edək ki, 2021-ci ildə mərasimə baxış rəqəmləri ən aşağı rəqəm kimi tarixə düşüb. Həmin vaxt mükafatın təqdimat mərasimini 10,4 milyon insan izləyib. Jurnal bunu COVID-19 pandemiyasının təsiri ilə əlaqələndirir. 2022-ci ildə tamaşaçıların sayı 16,6 milyona, 2023-cü ildə isə 18,8 milyona yüksəlib.
“Oskar” mükafatları Amerika Kino Sənəti və Elmləri Akademiyası tərəfindən verilir.
Bölmənin digər xəbərləri
