Oslodakı Vikinq Gəmi Muzeyində 1200 illik donanmanın son səyahəti başlayır
Bakı, 15 sentyabr, AZƏRTAC
Oslodakı Vikinq Gəmi Muzeyində vikinqlərin qədim gəmisi “Oseberg” hərəkət etməyə başlayıb, onun incə palıd gövdəsi qoruyucu polad qurğuya bağlanıb və tavana quraşdırılmış krandan asılıb.
AZƏRTAC “CBS News” telekanalına istinadla xəbər verir ki, vikinq gəmisi təqribən on saat ərzində təxminən 100 metr məsafə qət etməli olub. Norveçdəki muzey burada quraşdırılan relsdə asılmış və səyahət üçün çərçivəyə bükülmüş gəmini göstərən videonu paylaşıb.
Muzeyin “Facebook” paylaşımında deyilir: “Gəmiləri hərəkətə gətirən komanda ilk 20 metr məsafəni qət etdi və plana uyğun olaraq onu mükəmməl keçdi”.
Bu, son yerdəyişmənin ilk mərhələsini qeyd edib, çünki “Oseberg”, “Gokstad” və “Tune” vikinq gəmiləri köhnə Vikinq Gəmi Muzeyindən onları optimal şəraitdə saxlamaq üçün nəzərdə tutulmuş Oslodakı yeni muzeyə köçürülür.
Muzeyin direktoru Aud Tönnessen bildirib: “Qədim tarixə və uzaqməsafəli bütün səyahətlərə malik bu gəmilərin son səyahətə yollanması dərindən təsirli bir mənzərədir. Onlar rütubətə, vibrasiyaya məruz qalıblar. Zaman keçdikcə, təzyiq o qədər güclü olub ki, onlar sonda dayaqları üzərində batma əlamətləri göstərməyə başlayıb”.
Gəmilər 1926-cı ildə tikilmiş çox kiçik və yararsız hesab edilən xaç formalı binada yerləşdirilmişdi və məmurlar onları köhnə muzeyin əlavəsi kimi tikilmiş iqlimə nəzarət edilən obyektə köçürmək qərarına gəliblər. Onlar hesab edirlər ki, yeni şərait onları təxminən yüz il ərzində yaxşı vəziyyətdə saxlamalıdır.
Bölmənin digər xəbərləri
