Ötən gün vətəndaşlardan 17 silah təhvil və aşkar edilərək götürülüb
Bakı, 27 yanvar, AZƏRTAC
Yanvarın 26-da polis əməkdaşları paytaxt və respublikanın ayrı-ayrı rayonlarında 1 avtomat silahı, 9 müxtəlif markalı tüfəng, 2 patron darağı və 399 müxtəlif çaplı patron təhvil götürüblər.
Daxili İşlər Nazirliyinin mətbuat xidmətindən AZƏRTAC-a verilən məlumata görə, ötən gün, həmçinin polis əməkdaşlarının keçirdikləri əməliyyat tədbirləri ilə qanunsuz saxlanılan 2 avtomat silahı, 1 tapança, 1 qumbara, 1 alışdırıcı, 4 müxtəlif markalı tüfəng, 3 patron darağı və 53 müxtəlif çaplı patron aşkar edilərək götürülüb.
Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir.
Bölmənin digər xəbərləri
