Ötən il Avropa İttifaqında turizm sektoru üçün rekord göstəricilərlə yadda qalıb
Buxarest, 6 mart, AZƏRTAC
2025-ci il Avropa İttifaqında (Aİ) turizm sektoru üçün rekord göstəricilərlə yadda qalıb.
AZƏRTAC xəbər verir ki, rəsmi statistik məlumatlara görə, Aİ ölkələrində turistlərin yerləşmə obyektlərində keçirdiyi gecələrin ümumi sayı təxminən 3,1 milyarda çataraq indiyədək qeydə alınmış ən yüksək göstərici olub.
Məlumata əsasən, 2024-cü illə müqayisədə turist gecələmələrinin sayı təxminən 2 faizdən çox artıb. Bu artım əsasən xarici turist axınının güclənməsi ilə əlaqələndirilir.
Statistikaya görə, Avropa ölkələrinin əksəriyyətində turizm sektorunda artım qeydə alınıb. Xüsusilə Aralıq dənizi regionunda yerləşən bəzi ölkələrdə turist axınının əhəmiyyətli dərəcədə artdığı bildirilir.
Bununla yanaşı, bəzi ölkələrdə əks tendensiya müşahidə olunub.
Buxarest
Bölmənin digər xəbərləri
