Ötən sutka 57,3 kiloqramdan çox narkotik vasitə aşkarlanaraq götürülüb
Bakı, 10 fevral, AZƏRTAC
Polis əməkdaşlarının fevralın 9-da respublika ərazisində keçirdikləri əməliyyat tədbirləri nəticəsində ümumi çəkisi 57,3 kiloqramdan artıq narkotik vasitə aşkarlanaraq götürülüb.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib.
Bildirilib ki, qanunsuz dövriyyədən çıxarılan narkotik vasitələr - 18,2 kiloqrama yaxın heroin və 36,2 kiloqramdan artıq marixuana, 2 kiloqram tiryək, həmçinin 952 qramdan çox metamfetamin, 37 ədəd metadon, tramadol və digər həblər olub.
Bu istiqamətdə qətiyyətli mübarizə tədbirləri davam etdirilir.
Bölmənin digər xəbərləri
