OXATMA ÜZRƏ AZƏRBAYCAN ÇEMPİONATI BAŞA ÇATMIŞDIR
Yarışda “Spartak” İC, “Lokomotiv” İSM və “Məhsul” İC-nın 21 yetirməsi iştirak etmişdir. Onlar 50 və 70 metr məsafələrə oxatma üzrə bacarıqlarını nümayiş etdirmişlər. Kişilər arasında Emil Akçurin, Elçin Babayev və Sergey Kazakov, qadınlar arasında isə Svetlana Simonova, Səidə Orucova və Zinyət Vəliyeva müvafiq olaraq 1, 2 və 3-cü yerləri tutmuşlar.
Baş məşqçi Marina Çelikovskaya yığma komandanın heyətinə Emil Akçurin, Elçin Babayev və Svetlana Simonovanı cəlb edərək, sentyabrın 6-7-də Afina şəhərində keçiriləcək Avropa çempionatına hazırlaşdıracaqdır. Komanda bu mötəbər yarışa Türkiyədə hazırlaşmaq niyyətindədir.
Bölmənin digər xəbərləri
