SİYASƏT
Pakistan mətbuatı Azərbaycanın birinci xanımı Mehriban Əliyevanın dəstəyi ilə keçirilən xeyriyyə tədbirlərindən yazır
“Jhang”, “The News”, “Express Preshawar” qəzetləri, “Diplomatik Star”, “Centreline” jurnalları, “DNA news”, “Pakistan in the World” informasiya agentlikləri tədbirlər haqqında məqalə və xəbərlər veriblər.
Materiallarda qeyd olunur ki, bölgələrdə keçirilən mərasimlərdə Pakistanın tanınmış siyasətçisi, senator Səlim Seyfulla Xan, Pakistan Parlamenti sədrinin sabiq müavini, Pakistan-Azərbaycan dostluq qrupunun üzvü Feysəl Kərim Kundi, Bayt-ul-Malı uşaq evinin icraçı direktoru Vahid Şeyx və digər nüfuzlu şəxslər çıxış edərək Azərbaycanın birinci xanımı Mehriban Əliyevaya minnətdarlıqlarını bildiriblər.
Yazılarda Ravalpindi şəhərində təşkil olunmuş mərasimdə Azərbaycanın Pakistandakı səfiri Daşqın Şikarovun bayram təbrikləri barədə məlumat da yer alıb.
Qulu Kəngərli
AZƏRTAC-ın xüsusi müxbiri
İslamabad