Pakistanda partlayış nəticəsində azı 11 nəfər ölüb, 6 nəfər yaralanıb
İslamabad, 14 fevral, Hilal Əhməd, AZƏRTAC
Pakistanın Bəlucistan əyalətində bombanın partlaması nəticəsində azı 11 nəfər ölüb, 6 nəfər isə yaralanıb.
AZƏRTAC xəbər verir ki, Harnay bölgəsi komissarının müavini bölgədə kömür mədənçilərini daşıyan avtomobilə bomba qoyulduğunu bildirib.
Hüquq-mühafizə orqanlarının əməkdaşları və xilasedicilər hadisə yerinə gələrək ərazini mühasirəyə alıb, yaralananları xəstəxanaya çatdırıblar. Xilasedicilərin bildirdiyinə görə, çox sayda yaralının vəziyyəti ağırdır. Kömür mədənində çalışan işçilər mədənə doğru hərəkət edərkən şübhəli terrorçuların hədəfinə düşüblər.
Hadisə ilə bağlı araşdırmalar aparılır.
Bölmənin digər xəbərləri
