Bakı, 18 oktyabr, AZƏRTAC

İnnovasiya və Rəqəmsal İnkişaf Agentliyinin (İRİA) təşəbbüsü ilə Pakistanın aparıcı texnologiya şirkətinin “NETS”in nümayəndələri ölkəmizdə səfərdədir.

Agentlikdən AZƏRTAC-a bildirilib ki, şirkəti təmsil edən heyət ilə İnnovasiya və Rəqəmsal İnkişaf Agentliyinin nümayəndələri arasında görüş keçirilib, Azərbaycanda İKT-nin ümumi inkişaf mənzərəsi, xüsusilə də qlobal İKT şirkətlərinə təqdim olunan texnopark rezidentliyi və bu rezidentliyin gətirdiyi imtiyazlar barədə məlumat verilib.

Səfər çərçivəsində şirkət təmsilçiləri “Azercell” və “AzInTelecom”da bir sıra görüşlər həyata keçirib.

Görüşlər əsnasında “NETS” şirkətinin texnoloji həllərinin özəl və dövlət təsisatlarında tətbiqi imkanları geniş müzakirə edilib.