PARLAMENT KOMİSSİYASININ İCLASINDA
AZƏRTAC xəbər verir ki, iclasda “Məşğulluq haqqında” Azərbaycan Respublikası Qanununun tətbiqi ilə əlaqədar bəzi qanunvericilik aktlarının qüvvədən düşmüş hesab edilməsi və bəzi qanunlara dəyişikliklər və əlavələr edilməsi məsələləri müzakirə olunmuşdur.
Komissiyanın sədri Hadi Rəcəbli bildirmişdir ki, Azərbaycan Respublikası Prezidentinin qanunvericilik təşəbbüsü ilə parlamentə göndərdiyi qanun layihəsində “Məşğulluq haqqında” Azərbaycan Respublikasının yeni Qanununun qüvvəyə minməsi ilə əlaqədar olaraq “Azərbaycan Respublikasında əhalinin məşğulluğu haqqında” Azərbaycan Respublikası Ali Sovetinin Qərarının, “Məşğulluq fonduna ayırmaların normativləri haqqında” Qanunun qüvvədən düşməsi, “Hərbi qulluqçuların statusu haqqında”, “Əlilliyin qarşısının alınması, əlillərin reabilitasiyası və sosial müdafiəsi haqqında”, “Vətəndaşların pensiya təminatı haqqında” qanunlara və İnzibati Xətalar Məcəlləsinə dəyişikliklər və əlavələr edilməsi təklif olunur.
Əlavələr və dəyişikliklər hərbçilərin, habelə əhalinin aztəminatlı təbəqələrinin sosial müdafiəsinin gücləndirilməsinə yönəlmişdir.
Bölmənin digər xəbərləri
