REGİONLAR
PAYIZLIQ SƏPİN BAŞA ÇATIR
Kənd Təsərrüfatı Nazirliyi Aqrar Elm Mərkəzinin tabeliyində olan 6 bölgə təcrübə stansiyasında və toxumluq taxıl üzrə 8 dövlət müəssisəsində payızlıq taxıl səpininə dair proqnoz tapşırıqları bu günə olan məlumata görə, 95 faiz yerinə yetirilmişdir.
Aqrar Elm Mərkəzindən AZƏRTAC-ın müxbirinə demişlər ki, bu təsərrüfatların hamısında akademik Cəlal Əliyevin rəhbərliyi altında Elmi Tədqiqat Əkinçilik İnstitutunun təcrübə-sınaq sahələrində yetişdirilmiş yüksək məhsuldarlıqlı “Qiymətli”, “Bərəkətli-95”, “Əkinçi-84” və başqa toxum sortlarına üstünlük verilir. Çünki ötən il həmin buğda sortlarının səpildiyi hər hektardan 50-60 sentner məhsul götürülmüşdür.
Səpin başa çatmış sahələrdə suvarma işləri aparılır.