Paytaxt sakini: Azərbaycan Ulu Öndər sayəsində bu gün dünyada öz layiqli yerini tutur
Bakı, 12 dekabr, Səlim Rəhimzadə, AZƏRTAC
Mən çox xoşbəxt insanam, çünki dahi şəxsiyyət, müdrik rəhbər Heydər Əliyevin qurub yaratdığı müasir müstəqil Azərbaycanın vətəndaşıyam.
Bunu AZƏRTAC-a müsahibəsində Ümummilli Liderin xatirəsinə ehtiramını bildirmək üçün dekabrın 12-də Fəxri xiyabana ziyarətə gəlmiş paytaxt sakini Səid Əliyev deyib.
O qeyd edib ki, Ulu Öndər dövlətimizin müstəqilliyi, inkişafı naminə böyük və əvəzedilməz işlər görüb. “Ümummilli Liderimiz millətini sevən dahi şəxsiyyət idi. O, ağır zamanlarda ölkəmizin müstəqilliyi naminə əvəzsiz addımlar atıb. Onun xalqımız, ölkəmiz qarşısında xidmətlərindən danışmaq üçün zaman yetməz. Bu gün ölkəmiz dahi şəxsiyyətin siyasətinin uğurlarından faydalanır. Qüdrətli Azərbaycan Ulu Öndərin sayəsində dünyada öz layiqli yerini tutur. Xalqımız Azərbaycanın xilaskarının misilsiz xidmətlərini unutmayacaq”, - deyə o qeyd edib.
Bölmənin digər xəbərləri
