PAYTAXTDA 70 AVTOXULİQAN TUTULMUŞDUR
Bakı Şəhər Dövlət Yol Polisi İdarəsi hərəkətin təhlükəsizliyinin təbliği və ictimai qurumlarla əlaqə bölməsindən AZƏRTAC-a bildirmişlər ki, fevralın 10-dan martın 10-dək “Yüksək sürət təhlükə törədir” devizi ilə keçirilmiş təhlükəsizlik aylığı ərzində paytaxtda 70 “avtoxuliqan” saxlanılaraq, barələrində İnzibati Xətalar Məcəlləsinin 296-cı maddəsinə (xırda xuliqanlıq) əsasən tədbir görülməsi üçün müvafiq polis idarə və bölmələrinə təhvil verilmiş, oradan isə toplanmış sənədlərlə birgə məhkəmələrə göndərilmişdir. Saxlanılan şəxslər müxtəlif müddətlərə sürücülük hüququndan məhrum edilmişlər.
Qeyd edək ki, məhkəmələr tərəfindən avtoxuliqanlara 15 sutkayadək həbs cəzası kəsilə bilər.
Bundan əlavə, nəqliyyat vasitələrini sərxoş idarə edən 254, işıqforun qadağanedici siqnalına məhəl qoymayan 1235 sürücü aşkar olunmuşdur.
