Paytaxtda xadimə işlədiyi evdən 30 min manat dəyərində qızıl-zinət əşyaları oğurlayıb
Bakı, 16 aprel, AZƏRTAC
Nərimanov rayonunda oğurluqla məşğul olan şəxslər tutulublar.
Daxili İşlər Nazirliyinin mətbuat xidmətindən AZƏRTAC-a bildiriblər ki, cari il martın 15-dən aprelin 15-dək olan müddətdə Nərimanov rayonu ərazisindəki evlərin birindən 30 min manat dəyərində qızıl-zinət əşyaları oğurlamaqda şübhəli bilinən həmin evdə xadimə işləyən Bakı şəhər sakini C.Əliyeva Nərimanov Rayon Polis İdarəsinin 18-ci Polis Şöbəsi əməkdaşlarının keçirdikləri əməliyyat tədbirləri nəticəsində saxlanılıb.
Aprelin 15-də Nərimanov rayonu ərazisindəki evlərin birindən 100 manat, 800 ABŞ dolları və sənəd olan pulqabı oğurlamaqda şübhəli bilinən Yevlax rayon sakini E.Paşayev də Rayon Polis İdarəsinin 18-ci Polis Şöbəsi əməkdaşlarının keçirdikləri əməliyyat tədbirləri nəticəsində yaxalanıb.
Hər iki faktla bağlı araşdırma aparılır.
Bölmənin digər xəbərləri
