Paytaxtdakı bu yol kəsişməsində hərəkətin təşkilində dəyişikliklər edilib
Bakı, 13 aprel, AZƏRTAC
Bakı Nəqliyyat Agentliyi (BNA) tərəfindən paytaxtın Üzeyir Hacıbəyli küçəsinin Kövkəb Səfərəliyeva küçəsi ilə kəsişməsində yol hərəkətinin təşkilində dəyişikliklər edilib.
BNA-dan AZƏRTAC-a bildirilib ki, Ü.Hacıbəyli küçəsinin K.Səfərəliyeva küçəsi ilə kəsişməsində Üzeyir Hacıbəyli küçəsi üzərində sağ zolaqda məcburi sağa əmr edən nişanlanma xətti düzünə və sağa nişanlanma xətti ilə əvəz olunub. Həmçinin Ü.Hacıbəyli küçəsində zolaqlar üzrə hərəkət trayektoriyası (1,7 nişanlanma xətti) təşkil edilib. İşıqfor obyektində daimi sağa bölməsi ləğv olunub.
Həyata keçirilmiş dəyişikliklər Ü.Hacıbəyli və K.Səfərəliyeva küçələrinin kəsişməsində hərəkəti buraxma qabiliyyətini 25 faiz artıracaq.
Sürücülərdən dəyişiklikləri nəzərə almaları və qaydalara riayət etmələri xahiş olunur.
Bölmənin digər xəbərləri
