PEKİN OLİMPİADASININ TƏŞKİLAT KOMİTƏSİ 100 MİN KÖNÜLLÜ KÖMƏKÇİ TOPLAYIR
Təşkilatçılar bildirmişlər ki, Olimpiadanı uğurla keçirmək üçün onlara təxminən 100 min könüllü köməkçi lazımdır. Onları təkcə Pekində deyil, Honkonq, Makao və Tayvanda da toplayacaqlar.
BOLOG rəhbərlərinin sözlərinə görə, Təşkilat komitəsi Pekindən kənarda yaşayan könüllülərin paytaxta gəlib-getmək haqqını ödəyəcəkdir. Halbuki əvvəllər Olimpiadaların təşkilatçıları könüllülərin ancaq yemək haqqına vəsait ayırırdılar.
Nəzərdə tutulduğuna görə, 70 min könüllü “əsas” Olimpiadanın təşkilinə kömək edəcək, daha 30 min nəfər isə Paralimpiya oyunlarında işləyəcəkdir.
Maraqlıdır ki, BOLOG könüllülərin yaş həddini artırmağı qərara almışdır - əvvəllər bununla əsasən gənclər (ilk növbədə, tələbələr) məşğul olurdular. Çinlilər isə hesab edirlər ki, könüllülər ən müxtəlif yaşlardan olmalıdırlar.
Bölmənin digər xəbərləri
