“PENSİYA SİSTEMLƏRİNİN MODELLƏŞDİRİLMƏSİ VƏ DİZAYNI” MÖVZUSUNDA SEMİNAR
Əmək və Əhalinin Sosial Müdafiəsi Nazirliyinin Əmək və Sosial Problemlər üzrə Elmi Tədqiqat və Tədris Mərkəzində “Pensiya sistemlərinin moderlləşdirilməsi və dizaynı” mövzusunda seminar olmuşdur. Tasis proqramı çərçivəsində keçirilən seminarda əlaqədar nazirlik və komitələrin nümayəndələri iştirak edirdilər.
Avropa İttifaqının eksperti xanım Kristina Linder seminar iştirakçılarına sosial büdcənin təşkili və proqnozlaşdırılması, Avropa ölkələrində mövcud olan müxtəlif pensiya sistemlərinin xüsusiyyətləri, pensiyaların ödənilməsində qarşıya çıxan problemlərin aradan qaldırılması yolları barədə ətraflı məlumat verdi, pensiya sistemlərinin proqnozlaşdırılması ilə bağlı xarici ölkələrdə tətbiq olunan modellərdən Azərbaycanda istifadə etmək üçün müasir və dolğun məlumat bazası yaratmağın əhəmiyyətindən danışdı.
Seminarda qeyd edildi ki, iqtisadi göstəricilər, vəsaitlərin yığımı, əhalinin demoqrafik tərkibi, xüsusilə də miqrasiya haqqında məlumatlar əsasında, pensiyaçılarla əlaqədar bazanın yaradılması üçün əmək və əhalinin sosial müdafiəsi nazirliyində mühüm işlər görülür.
Bölmənin digər xəbərləri
