POEZİYA AXŞAMI
AZƏRTAC-ın müxbiri xəbər verir ki, Azərbaycan poeziyasını Vətəndən uzaqlarda təmsil edən, Londonda yaşayan Nigar xanımın şer kitabları rus və ingilis dillərində nəşr olunmuşdur. Onun rus dilində yazdığı şerləri şair Vahid Əziz Azərbaycan dilinə tərcümə etmişdir. Həmin şerləri gecədə müəllif özü rus dilində, xalq artisti Əminə Yusifqızı isə Azərbaycan dilində oxumuşlar.
Nigar Həsənzadə poeziyasının pərəstişkarları və gecənin təşkilatçıları, eləcə də Azərbaycan Respublikası gənclər, idman və turizm nazirinin müavini İntiqam Babayev, Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov, professor Ağabəy Sultanov və başqaları gənc şairi təbrik etmiş, ürək sözlərini söyləmişlər. Müğənni Lalə Məmmədova şairin sözlərinə Vüqar Camalzadənin bəstələdiyi mahnıları oxumuşdur.
Nigar Həsənzadə yeni çapdan çıxmış kitablarını oxucularına hədiyyə etmişdir.
Bölmənin digər xəbərləri
