Polis əməkdaşı itkin düşən iki yaşlı uşağın həyatını xilas edib
Bakı, 6 mart, AZƏRTAC
Ağdaş Rayon Polis Şöbəsinə müraciət edən Qaraoğlan kənd sakini yaşadıqları evin qarşısında oynayan iki yaşlı övladının itkin düşdüyünü, axtarışlarının nəticəsiz qaldığını bildirərək kömək göstərilməsini xahiş edib.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a verilən məlumata görə, polis əməkdaşları azyaşlının qısa vaxtda tapılması istiqamətində kənd ərazisində, eləcə də rayonda dərhal axtarış tədbirlərinə başlayıblar. Həyata keçirilən operativ tədbirlər zamanı iki yaşlı A.B. axşam saatlarına yaxın polis serjantı Rauf Yunusov tərəfindən su kanalının kənarında köməksiz vəziyyətdə tapılıb və ailəsinə təhvil verilib.
Uşağın valideynləri müraciətlərinə operativ reaksiyaya verərək övladlarının həyatını xilas edən polis əməkdaşlarına dərin minnətdarlıqlarını bildiriblər.
Bölmənin digər xəbərləri
