POLŞA SENATI UKRAYNADA QOLODOMORUN SOYQIRIMI KİMİ TANINMASINA TƏRƏFDARDIR
Qərarda senatorlar Ukrayna xalqı ilə həmrəyliyini ifadə edir və Qolodomorun təşkilatçılarını məsuliyyətə cəlb etməyə çağırırlar. Onların fikrincə, Qolodomor Ukrayna xalqının azadlıq və müstəqil dövlət qurmaq əzmini qırmaq məqsədi ilə onu zəiflətmək və məhv etmək üçün Sovet İttifaqının hakim rejimi tərəfindən təşkil olunmuşdu. Senat Qolodomora görə Qərb siyasətçiləri və jurnalistlərinin də məsuliyyət daşıdığını bildirmişdir. Çünki onlar 1932-33-cü illərdə Ukraynada baş vermiş hadisələr haqqında həqiqəti gizlətmişlər.
Bir sıra ölkələrin parlamentləri Qoldomoru soyqırımı aktı kimi tanımışlar. 2003-cü ilin noyabrında BMT-nin üzvü olan ölkələrdən 25-i birgə bəyanat hazırlayaraq, Qolodomoru totalitar rejimin yeritdiyi siyasətin nəticəsi adlandırmışdır.
Ukrayna Qolodomorun soyqırımı aktı kimi tanınması üçün BMT-yə sənədlər təqdim edəcəkdir.
Xatırladaq ki, 1932-33-cü illərdə bu dəhşətli aclıq nəticəsində, müxtəlif hesablamalara görə, 3 milyondan 7 milyonadək insan ölmüşdür.
Bölmənin digər xəbərləri
