Polşa Ukraynadan bir sıra kənd təsərrüfatı məhsullarının idxalını qadağan edib
Bakı, 16 sentyabr, AZƏRTAC
Polşa bu gündən etibarən Ukraynadan bir sıra kənd təsərrüfatı məhsullarının idxalına qoyulan embarqonu qeyri-müəyyən vaxta qədər uzadıb.
AZƏRTAC xəbər verir ki, sentyabrın 16-dan etibarən Ukraynadan buğda, qarğıdalı, raps, turp, günəbaxan və digər kənd təsərrüfatı məhsullarının Polşaya idxalı qadağan edilir.
Bununla belə, səpin işlərinin aparılması üçün nəzərdə tutulan buğda, qarğıdalı və günəbaxan toxumu qadağa altına düşməyib.
Bir müddət əvvəl Avropa Komissiyası Ukrayna taxılının və digər ərzaq məhsullarının Aİ-yə idxalına qoyulan məhdudiyyətlərin müddətinin başa çatdığını elan edib. Polşa, Macarıstan, Rumıniya və Slovakiya isə Avropa İttifaqının məhdudiyyətləri uzatmayacağı təqdirdə, qadağaların birtərəfli qaydada uzadılacağını bildirib.
Bölmənin digər xəbərləri
