Portuqaliyalı Fabio Koentrao milli komandada oynamaqdan imtina edib
Lissabon, 15 may, AZƏRTAC
Futbol üzrə Portuqaliya millisinin üzvü Fabio Koentrao Rusiyada keçiriləcək dünya çempionatına iştirak edəcək komandanın heyətinə cəlb olunmaqdan imtina edib.
AZƏRTAC xəbər verir ki, Portuqaliya mətbuatı “Real Madrid” klubuna məxsus olan və icarə əsasında “Sportinq” komandasında forma geyən müdafiəçinin milli komandadan imtinasının səbəbi barədə yazır. Bildirilir ki, futbolçu baş məşqçiyə müraciət edərək dünya çempionatında iştirak etmək üçün lazımi formada olmadığını açıqlayıb. O, gələcəkdə milli komandanın heyətində yenidən yer ala biləcəyini qeyd edib.
Aygün Əliyeva
AZƏRTAC-ın xüsusi müxbiri
Lissabon
Bölmənin digər xəbərləri
