Portuqaliyaya quş qripi ilə bağlı tətbiq edilmiş məhdudiyyətlər aradan qaldırılıb
Bakı, 9 fevral, AZƏRTAC
Qida Təhlükəsizliyi Agentliyi Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Ümumdünya Heyvan Sağlamlığı Təşkilatının rəsmi məlumatına əsasən, Portuqaliya Respublikasının bəzi inzibati ərazi vahidlərində qeydə alınmış yüksək patogen quş qripi xəstəliyi başa çatıb və xəstəliyə görə epizootik sağlamlıq statusu bərpa olunub.
Bununla əlaqədar respublika ərazisinin qeyd olunan yoluxucu xəstəlikdən qorunması məqsədilə Portuqaliyanın Santaren, Lissabon, Evora dairələrinə tətbiq edilmiş məhdudiyyətlər aradan qaldırılıb.
Bölmənin digər xəbərləri
