Psixi sağlamlıq və psixososial dəstək potensialının gücləndirilməsi mövzusunda seminar keçirilib
Bakı, 15 may, AZƏRTAC
Mayın 15-də Beynəlxalq Qızıl Xaç və Qızıl Aypara Cəmiyyətləri Federasiyasının dəstəyi ilə Azərbaycan Qızıl Aypara Cəmiyyətinin rəhbərliyi və işçilərinin iştirakı ilə Psixi Sağlamlıq və Psixososial dəstək potensialının gücləndirilməsi mövzusunda məsləhətləşmə seminarı keçirilib.
Cəmiyyətin mətbuat xidmətindən AZƏRTAC-a verilən məlumata görə, təşkilatın icraçı katibi Ceyhun Mirzəyev seminarın ümumi məqsədi barədə məlumat verib.
Seminarda Azərbaycan Qızıl Aypara Cəmiyyətinin nümayəndəsi Nigar Qədəşova iştirakçıların psixi sağlamlıq və psixososial dəstək haqqında bilikləri və müvafiq təcrübələri, bunun vacibliyi, Beynəlxalq Qızıl Xaç və Qızıl Aypara Cəmiyyətləri Federasiyasının nümayəndəsi Alaa Alnasser isə psixososial dəstək potensialının gücləndirilməsi və fəaliyyət planının təqdimatı barədə çıxış ediblər.
Bölmənin digər xəbərləri
