Putin: Bu gün dünyada “Oreşnik”i ələ keçirə biləcək vasitə yoxdur
Moskva, 23 noyabr, AZƏRTAC
Rusiyada “Oreşnik” kimi istifadəyə hazır sistemlər var.
AZƏRTAC xəbər verir ki, bu barədə Rusiya Prezidenti Vladimir Putin Müdafiə Nazirliyinin rəhbərliyi və ölkənin hərbi sənaye kompleksinin nümayəndələri ilə görüşündə bildirib.
“Biz vəziyyətdən və Rusiya təhlükəsizliyi üçün yaradılan təhdidlərin xarakterindən asılı olaraq bu sınaqları, o cümlədən döyüş şəraitində davam etdirəcəyik”, - deyə Putin vurğulayıb.
Putin qeyd edib ki, “Oreşnik” köhnə sovet sistemlərinin modernləşdirilməsi deyil, ən müasir raketdir.
Onun sözlərinə görə, “Oreşnik” kimi sistemlər üzərində iş Rusiya üçün həyati əhəmiyyət kəsb edir. Bu raketlərdən istifadənin nəticələri təsir baxımından strateji silahlarla müqayisə edilə bilər. Putin əlavə edib ki, bu gün dünyada “Oreşnik”i ələ keçirə biləcək vasitə yoxdur.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
