Qadın boksçulardan ibarət Azərbaycan millisinə yeni baş məşqçi təyin edilib
Bakı, 17 fevral, AZƏRTAC
Qadın boksçulardan ibarət Azərbaycan milli komandasında yeni baş məşqçi təyinatı rəsmiləşib.
Azərbaycan Boks Federasiyasından AZƏRTAC-a verilən məlumata görə, yığma İlkin Ağayevə həvalə edilib.
Onun qarşısına qadın boksunun inkişafı, beynəlxalq arenada uğurlu çıxış məqsədi qoyulub.
36 yaşlı mütəxəssis boksçu karyerasında yeniyetmələr arasında dünya birinciliyinin qızıl və gümüş medalçısı olub, Avropa çempionatında finala kimi yüksəlib. Dəfələrlə Azərbaycan çempionu və beynəlxalq turnirlərin qalibi adını qazanan gənc mütəxəssis 2017-ci ildən məşqçi kimi fəaliyyət göstərir. O, son 3 ildə isə məhz qadınlardan ibarət Azərbaycan seçməsində çalışıb.
Bölmənin digər xəbərləri
