QADIN PROBLEMLƏRİ MÜZAKİRƏ EDİLİR
Qadın Problemləri üzrə Dövlət Komitəsi və Mingəçevir şəhəri İcra Hakimiyyəti “Qadın ləyaqəti, ailə şərəfi və ictimai-siyasi həyat” mövzusunda “Dəyirmi masa” keçirmişdir.
Tədbirdə respublikamızın qadınlarını düşündürən, narahat edən məsələlər barədə geniş fikir mübadiləsi aparılmışdır. Komitənin sədri professor Zəhra Quliyeva və sədr müavini Dilruba Camalova ölkəmizdə qadın problemlərinin həlli üçün dövlət rəhbərimizin şəxsi təbəbbüsü ilə həyata keçirilən tədbirlərdən danışmış, tədbir iştirakçılarının arzu və təkliflərinə münasibət bildirmişlər.
Mingəçevir Şəhər İcra Hakimiyyətinin başçısı Məhəbbət Qarabağlı “Dəyirmi masa” iştirakçılarını 8 mart və Novruz bayramları münasibətilə bütün mingəçevirlilər adından təbrik etmişdir. Tədbir musiqili bayram şənliyi ilə başa çatmışdır.
Sonra dövlət komitəsinin rəhbərləri, qadın təşkilatlarının nümayəndələri şəhidlər xiyabanını ziyarət etmiş, azərbaycanlıların soyqırımı və deportasiyası abidə kompleksinin önünə əklillər qoymuş, son vaxtlar şəhərdə gedən quruculuq, abadlıq işləri ilə tanış olmuşlar.
Bölmənin digər xəbərləri
