QAFQAZ MÜSƏLMANLARI İDARƏSİNİN SƏDRİ İLƏ GÖRÜŞ
Şeyxülislam ölkəmizdə dinin vəziyyəti barədə məlumat verərək, Azərbaycandakı pravoslav və yəhudi konfessiyalarının başçılarını qonağa təqdim etdi. O bildirdi ki, Azərbaycanda digər dinlərə qarşı daim xoş münasibət olmuşdur, müsəlman, xristian və yəhudi konfessiyaları əsrlər boru burada dinc fəaliyyət göstərmişlər. Xalqımız bayramları, əlamətdar günləri birlikdə qeyd edir. Ümummilli liderimiz Heydər Əliyevin başladığı bu siyasət hazırda onun siyasi sələfi Prezident İlham Əliyev tərəfindən layiqincə davam etdirilir. A.Paşazadə dedi ki, biz hesab edirik, dini dialoqu hüquqi səviyyədə aparmaq lazımdır.
Cənab Folker Ruxe vurğuladı ki, Azərbaycan dünyada təkcə nefti ilə deyil, həm də tolerantlığı ilə tanınır. Sizin dinc yanaşı yaşamağınız və ümumi dil tapmağınız xoş təsir bağışlayır. Biz buraya çoxillik müharibələrin parçaladığı Əfqanıstandan gəlmişik və orada dini cəhət çox vacibdir. Sizin ölkəniz müxtəlif dini konfessiyaların dinc yanaşı fəaliyyət göstərməsi və dini dözümlülük baxımından gözəl örnəkdir. Belə bir vəziyyəti Yaxın Şərqdə təsəvvür etmək çətindir.
Rus pravoslav kilsəsinin Bakı və Xəzəryanı Yeparxiyasının başçısı Aleksandr ata, dağ yəhudiləri icmasının başçısı Semyon İxiilov çıxışlarında bildirdilər ki, Azərbaycanda heç vaxt dini və ya milli qarşıdurma olmamışdır. Qafqazda dini qarşıdurmanın olmaması bizim birgə işimizin nəticəsidir.
Sonda şeyxülislam hacı Allahşükür Paşazadə qonağı maraqlandıran suallara cavab verdi.
Bölmənin digər xəbərləri
