QAHİRƏDƏN CƏNUBDA 50 MUMİYALIQ NADİR SƏRDABA AŞKAR OLUNMUŞDUR
AZƏRTAC-ın xarici informasiya agentliklərindən aldığı xəbərə görə, Fransa və Misir arxeoloqları Qahirədən cənubdakı şaxtalarda eramızdan əvvəl 1-ci minilliyə aid 50 mumiyalıq nadir sərdaba aşkar etmişlər.
Misirin Antik Abidələr Ali Şurasının başçısı Zəhi Həvasın dediyinə görə, yaxşı vəziyyətdə qalan kətan parçaya bükülmüş və taxta tabutlara qoyulmuş qədim hökmdarların qalıqları mumiyalamaq sənətinin nadir nümunələridir.
Bu qəbiristan Qədim Misirin paytaxtı Memfisin yaxınlığında, o dövrün əsas dəfn komplekslərinin yerləşdiyi Sakkara ərazisində tapılmışdır.
Bölmənin digər xəbərləri
