“QAN LƏKƏSİ”NİN TƏQDİMATI OLMUŞDUR

10.12.2003 [13:31]
Çap et
A⁺ A^-

İxtisasca hüquqşünas olan və uzun illərdən bəri respublikamızın prokurorluq orqanlarında işləyən, Azərbaycan Yazıçılar Birliyinin üzvü Əli Bayramov (Əli Şimşək ) “Şamilin səsi”, “Min illərdən min illərə kim yaşayıb, kim qalacaq”, “Əllinci patronun izi ilə”, “Acı göz yaşları” və “Vahimə” kitabları ilə oxuculara yaxşı tanışdır.

Bu günlərdə “Hüquq ədəbiyyatı” nəşriyyatı yazıçının “Qan ləkəsi” adlı yeni kitabını çapdan buraxmışdır. Kitaba yazıçının dedektiv janrda yazdığı 5 povesti daxil edilmişdir.

Masallı rayon mədəniyyət evində kitabın təqdimat mərasimi olmuşdur.

Təqdimat mərasimində çıxış edən natiqlər kitabda toplanmış povestlərin bədii dəyərindən danışmış, yazıçıya yeni yaradıcılıq uğurları arzulamışlar.

Yazıçı Ə.Bayramov mərasimdə dəyərli fikirlərinə görə çıxış edənlərə minnətdarlığını bildirmiş, yaradıcılıq planlarından danışmışdır.