“Qarabağ” klubu ispaniyalı futbolçu ilə yollarını ayırıb
Bakı, 16 sentyabr, AZƏRTAC
“Qarabağ” komandası futbolçusu Qaspar Panadero ilə yollarını ayırıb.
Klubun mətbuat xidmətindən AZƏRTAC-a verilən məlumata görə, ispaniyalı yarımmüdafiəçi ilə müqaviləyə qarşılıqlı razılıq əsasında xitam verilib.
26 yaşlı oyunçu 2021-ci ilin yayında Ağdam təmsilçisi ilə 3 illik sözləşmə imzalamışdı.
Qeyd edək ki, Qaspar Panadero zədə səbəbindən uzun müddət komandaya kömək edə bilməyib. Daha sonra heyətə düşməkdə çətinlik çəkən futbolçu əvəzedici komandaya göndərilib.
Bölmənin digər xəbərləri
