“QARABAĞ MÜHARİBƏSİ: QADINLAR DA DÖYÜŞMÜŞLƏR”
Yeni kitab müəllifin Azərbaycanın qəhrəman qızları barədə trilogiyasının (“Qızlar döyüşə gedirlər”, “Qarabağda qanlı müharibə”, “Qırx qız haqqında dastan”) məntiqi davamıdır. Müəllif qəhrəmanlarından hər birinin taleyindən məhəbbət və səmimiyyətlə söhbət açır. Z.Məhərrəmli portret oçerklərində və sənədli hekayələrində Azərbaycan qadınının – ana, bacı və qızlarımızın ümumiləşdirilmiş obrazını yaratmışdır.
Yeni kitab Azərbaycan xalqının işğal altındakı əzəli torpaqlarını qaytarması uğrunda bir növ mübarizə salnaməsidir. Kitabın qəhrəmanlarını bir müqəddəs məqsəd birləşdirir: Ermənistan təcavüzkarları ilə müharibədə qələbəni yaxınlaşdırmaq, işğal olunmuş torpaqlarımızın azad edilməsi üçün var qüvvəni əsirgəməmək. Kitabda döyüşçü qadınlarımızın fotoşəkilləri, habelə müəllifin özünün cəbhəyanı bölgələrə səfərləri zamanı çəkilmiş fotoşəkilləri verilmişdir.
Bölmənin digər xəbərləri
