Qarabağ müharibəsi veteranı Emin Mehtiyev: Cənab Prezident, mən Sizin kimi rəhbərlə fəxr edirəm
Bakı, 21 aprel, AZƏRTAC
Ölkəmizdə koronavirus pandemiyasının geniş yayılmasının qarşısının alınması, xalqımızın sağlamlığının qorunması və rifahının yaxşılaşdırılması ilə bağlı gördüyü mühüm işlərə görə Prezident İlham Əliyevə minnətdarlıq edənlər arasında Biləsuvar rayonunda yaşayan Qarabağ müharibəsi veteranı Emin Mehtiyev də var.
AZƏRTAC xəbər verir ki, o, dövlətimizin başçısına minnətdarlığını aşağıdakı fikirlərlə ifadə edir: “Hörmətli cənab Prezident, mən Sizin kimi rəhbərlə fəxr edirəm. Qarabağ müharibəsinin veteranıyam, hazırda müəllim kimi çalışıram. Hər dəfə şagirdlərimə dövlətimizin inkişafından, Ulu Öndərdən, Sizin Azərbaycan üçün etdiklərinizdən bəhs edəndə qürur hissi keçirirəm. Siz daim xalqı düşünürsünüz. Bu ağır günlərdə isə diqqət və qayğınız daha da artıb. Bu günləri Sizin rəhbərliyinizlə alnıaçıq başa vuracağıq və mən şagirdlərimə Sizin bu mübarizədə xalqımızı necə qorumağınız haqqında söhbətlər edəcəyəm. Allah Sizi bizə çox görməsin!”.
Bölmənin digər xəbərləri
