Qarabağın arxeoloji və etnomədəni irsinə həsr olunan konfransa tezislər qəbul edilir
Bakı, 30 aprel, AZƏRTAC
AMEA-nın Arxeologiya və Etnoqrafiya İnstitutunun təşkilatçılığı ilə “Qarabağın arxeoloji və etnomədəni irsi: tarix və gələcəyə baxış” mövzusunda mayın 21-də keçiriləcək onlayn elmi konfransa tezislər qəbul olunur.
Bu barədə AZƏRTAC-a institutdan bildirilib.
Konfransda aşağıdakı istiqamətlərdə müzakirələr nəzərdə tutulur:
- Qarabağın arxeoloji abidələrinin tədqiqi tarixi;
- Qarabağ abidələrinin hazırkı vəziyyəti və aparılacaq tədqiqatların perspektivləri;
- Qarabağın alban irsi;
- Qarabağda etnodemoqrafik proseslər;
- Qarabağ əhalisinin ənənəvi təsərrüfat fəaliyyətinin, maddi və mənəvi mədəniyyətinin xüsusiyyətləri;
- Qarabağda etnoloji və antropoloji tədqiqatların perspektivləri.
Bu istiqamətlər üzrə 3 səhifə həcmində tezislər mayın 7-dək [email protected] və [email protected] ünvanlarına göndərilməlidir.
Konfransın keçirilmə tarixi ərəfəsində tədbir iştirakçılarının elektron poçtuna “Zoom” proqramının müvafiq linki göndəriləcək.
Bölmənin digər xəbərləri
