Qaraçay-Çərkəz Respublikasında qış kurortunda qar uçqunu baş verib
Moskva, 18 yanvar, AZƏRTAC
Rusiya Federasiyası Qaraçay-Çərkəz Respublikasında Dombay kurort qəsəbəsindəki Mussa-Açitara dağında qar uçqunu baş verib.
AZƏRTAC xəbər verir ki, hadisə nəticəsində dağ xizəyi avadanlığını icarəyə verən məntəqə və kafe qar uçqunu altında qalıb. Qar altında 12 nəfərin də qaldığı ehtimal olunur. Onlardan 6-sı artıq xilas edilib.
Ərazidə axtarış-xilasetmə işləri davam etdirilir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
