“QARADAĞ” HƏNDBOL KLUBU BEYNƏLXALQ YARIŞLARA HAZIRLAŞIR
AZƏRTAC xəbər verir ki, ölkə həndbol çempionatının gümüş mükafatçısı, qadınlardan ibarət “Qaradağ” komandası Avropa Həndbol Federasiyasının kuboku uğrunda yarışın birinci mərhələsi çərçivəsində Belarusun “Qrodneçanka” (Qrodnı) komandası ilə keçiriləcək oyuna ciddi hazırlaşır.
Baş məşqçi Sergey Nikulenko məşqlərə 22 həndbolçunu cəlb etmişdir. “Qaradağ”lılar Kuboklar Kuboku turnirinə hazırlaşan digər Azərbaycan komandası - “ABU” ilə gücünü sınayacaqdır.
Xatırladaq ki, “Qrodneçanka” ilə ilk oyun sentyabrın 16-da Bakıda, cavab görüşü isə bir həftə sonra, ayın 23-də Qrodnıda keçiriləcəkdir.
Bölmənin digər xəbərləri
